آتا بابا سوزلری

• تولکو وار باش قوپارير ، قوردون آدی بد نامدير

• تويدان سونرا حنانی گؤته ياخارلار

• تويدان سونرا ناغارانين فايداسی اولماز

• تويوغو بير خالوار بوغدانين ايچينه سالسان ، يئنه ائشَلنمگيندن قالماز

• تيکه قارين دويورماز؛ محبّت آرتيرار

• جرگه دن قالان قوتور اولار

• جيدا ايله قولاغا پامبيق يئتيرمک اولماز

• جيدانی اوغورلايان يئرينی بيلر

• جيدانی چووالدا گيزلتمک اولماز

• چؤمچه قازانين تکينی دئشيب

• چؤمچه قازانين ديبينه داياندی

• چؤمچه قازانين ديبينه دَيير

• چاخير ايچن مالينی ايتيرر، بنگ چکن عاغلينيچ

• چاخير پاخير آچاندير

• چاخيری ايچ شير بؤيرو ييرتماغا ، ايچمه قارغالار گؤزونو دَلسين

• چاخيری تؤکسن سيچانين بوغازينا ، گئدر پيشيگين پئشوازينا

• چاخيری تؤکسن کئچينين گؤتونه قوردون پئشوازينا گئدر

• چاخيری کئچينين بوغازينا تؤکسن واريب داغلاری آشار

• چاخيری لالا وئرسن لال ديل آچار

• چاردا آلتيندا هر آرواد گؤزلدير

• چالخالانديقجا زمان نئهره کيمی ، ياغ ياغ اوسته گئدير ، يارما ياوان قالار

• چوخ يئکه سيچيب ، باشيندان دا ديشلَيير

• چوخ يوماقلا قارا پالاز آغارماز

• چولاق آت سيّده نذيرئير

• چيبين ميندار( مردار) دئييل اورَک بولانديرار

• چيراق اؤز ديبينه( دوره سينه) ايشيق وئرمز(سالماز)

• حالين پيسدير اؤل قورتار

• حاييف قيمته قالماز

• خارادا چالغی ، اورادا قالغی

• خاراللارا سيغمايان جانيم ، توربا داغارجيغا سيخيلدی

• خالتانی آسلان بوينونا وورمازلار

• خورَگين دادی آغيزدادير

• خورَيی دويونجا يئمه ، گؤزون دالينجا قالماسين

• خورُيين ياخشيسی حاضر اولانيدير

• خيمير خيمير ، هميشه خيمير

• خينا گئجه سی هامی خينا بويانار

• خينالی اَل جيبه قويولماز

• دئييلَجک سؤزو فيکيرلش، سونرا دئه

• دئييلَجک سؤزو قارنيندا ساخلاما

• دئييلميش سؤزدن دئييلمَميش ياخشيدير

• دئييلن سؤز ياديگاردير

• داتدلی سؤز دينلَنَر، دادسيز سؤز اَسنَدَر

• دادسيز شوربايا دوز دا کار ائلَمَز

• دادلی سؤز جان آرزوسو، داسيز سؤز باش آغريسی

• دادماقلا مال توکنمز

• دادماميسان قاز اتينی نه بيلَسَ لذّتينی؟

• داز کئچلدن خوشلانار

• دازين ايستَديگی قارا ساچ اولار

• داش داشا سؤيکَنر ديوار اولار

• داش دويوارين قولاغی وار

• داش دَيَنه بلليدير ، يول گئدنه

• داش آت قوللارين آچيلسين

• داش آتان بللی باش آتان بللی

• داش آتانا چؤرک آت

• داش آتيب باشينی توتوب

• داش اورَکلی دوشمنين اورَگينی يارار يومشاقليق

• داش اوسته اکين اولماز

• داش اولسايدی سيخارديم ، تورپاغيديم دايانديم

• داش اولما ، بوش اول

• داش بير يئرده قوز بير يئرده

• داش بير يئرده قالانادا گؤيرر

• داش داشی ديرناق داشا ، سيز ساواشا بيز تاماشا

• داش داشی سينديرماز

• داش قيزلار باغرينا ، گئجه لر يالقيز ياتار

• داش يومشاق نه اولسا يئير( کنايه(

• داش يومشالار ، دوشمن يومشالماز

• داشلاردا ديله گلير

• داشی داشا ، باشی باشا وورارلار

• داشين خيرداسی بؤيومز ، آدامين خيرداسی بؤيوير

• داشينما سو اسله دَييرمان ايشلمَز

• داغ ييخيلماسا دره دولماز

• دالشينما سو ايله باغ سالينماز

• دامازليغينی يئين تامارزی قالار

• دانيشانی آدام بيلير، هورَنی ايت

• دانيشماق دانانی قوردا وئرر

• دانيشماق گوموش اولسا ، دانيشماماق قيزيلدير

• دانيشيرام دا پيس اولور ، دانيشميرام دا

• داوا آجی فايداسی شيرين اولار

• دايچا آت اولونجا ييه سی مات اولار

• دايچا نه قدر برک قاچسا ، آرابانی چکن آتدير، آت

• دده مين دامين ييخميشام کی ، قار کوَرمَييَم

• در ديوارين دا قولاغی وار

• درزی اؤز ييرتيغينی ياماماز

• درزينين ماياسی ايگنه ساپدير

• درزيه کؤچ دئديلر : ايگنه سينی سانجدی

• دعانی بيز ائلَديک ياغيش ياغدی قاراداغا!

• بارسيز آغاجا داش آتمازلار

• بارلی آغاجين باشينا دولانارلار

• بارماغين هانسينی کسسن ، آغريسی بيردير

• بازار آتا آنا تانيماز

• بازار ايچينده ايت قولاغی کسمزلر

• بازار باققالسيز اولماز، مئشه چاققالسيز اولماز

• بازار چؤرَيی چوخ اولسون ، بازاردا اولسون

• بازار شيطان يوواسيدير

• بازار قورولدو ، حساب دورولدو

• بازار يانسين ، آمما منه بير مانات قازانج اولسون

• بازارا گئدر ياغيش ياغار، دَييرمانا گئدر قيرغين اولار

• بازاردا بئز اوجوز اولاندا آدام اؤزونو اؤلدورمز

• بازاری کاساد اولانا مَردَنه گرک اولسون

• باش ياراندان چوخ قمه توتان وار

• باغا چاناغيندا چيخدی ، چاناغينی بَينمدی

• باغا يول گئده بيلمز ، ائوينی بئلينده گزديرر

• بالا قوشون آغزی بؤيوک اولار

• بالالی قارغايا پای دوشمز

• باهاسينا پول وئرميشم ، گؤزلريم ده چيخسادا يئيرم

• باهاليقدا چؤرَگينی اَسيرگَيَن اوجوزلوقدا يالقيز قالار

• بد آت اؤزونو گؤزلر ، ياخشی آت ايگيدی

• بد اؤزوده بير رنگدير

• بد ائولاد خطايا اورجاح اولار

• بد اصيلدن اصيل اولماز، بوينونمجا قيزيل قالا

• بد اصيلدن اصيل اولماز، قاچان قيزدان خانيم!

• بد اصيلی باشا چکرسن ، سوروشر آياغا دوشر

• بکمز ساتانا دا لعنت، بکمز آلانادا !

• بلد چيله گئدن يورولماز

• بلدچييه يول گؤسترمزلر

• بوغاز منيم ، قارين اؤزگه نين( کنايه )

• بولانماسا ، دوردولماز

• بير کسين نصيبين او بيری کس يئمز

• بيری ياغيش اولدو ، سن تورپاق اول

• بيريئرده اوتورما کی ، آلتينا سو چيخسين ( دئييم)

• پئندير يئيَن سو آختارار

• پاپاقچينين پاپاغی ييرتيق اولار

• پاپاقچينين کؤنلو اولسا ، بير دَريدن دوققوز پاپاق تيکر

• پاران اوجوز ايسه ، اؤزون باهالی اول

• پاسلی دميردن قيلينج اولماز

• پای بؤلَنه پای قالماز

• پای پايلايان پاييندان اولار

• پايينی يالقيز يئيَن پايينی ديشی ايله توتار

• پلنگه ات يئمگی ، کئچييَه اوت يئمگی اؤيرتمزلر

• پول پولو قازانار پول پولو گتيرر

• پول وئرسن ماللا منبردهن دوشر

• پولو سايديقجان آزالار

• پيادا آتلييا گولر

• پيادا گلندن آت آلماغی اؤيرنمه

• پيرينی تانيمايانين عاقبتی پيس اولار

• پيشيک آتاسينين خيرينه سيچان توتماز

• پيشيک آرخاسينی يئره وورماز

• پيشيک اؤلوب سيچانلارين بايراميدير

• پيشيک ائودن چيخاندا ، سيچانلار باش قالديرار

• پيشيک بالاسی اؤزونو آناسينين دؤشونده گيزلَدر

• پيشيگين دردی ايتی اؤلدورر

• پيشيگين قانادی اولسايدی سئچه دن علامت قالمازدی

• پيشيگين گؤزو سيچان دئشيگينده اولار

• تئز پاريلدايان تئزده سؤنر

• تئز قاچان ،تئز يورولار

• تارلادا ايزی اولماياناين سفره ده اوزو اولماز

• تازيسيز اووا گئدن ائوه دووشانسيز قاييدار

• تازينی خالتاسی ايله تانييارلار

• تازينين توپال اولدوغو دووشانين قولاغينا يئتيشيب

• تانری ائششگی تانييب ، بوينوز وئرمَييب

• تانری قورويانی قورد يئمز

• تاوا دليک ياغ توتماز ، تاختا چوروک ميخ توتماتز

• تاووس قوشونو توکونه گؤره کَسرلر

• تجارت دوستلوق کؤرپوسودور

• تَزه ائوه کؤچنده ، کؤهنه ائوين اوجاغيندا کول گؤتررلر

• تقدير ايله يازيلان ، تدبير ايله پوزولماز

• تک آغاجدان باغ اولماز

• تک ال ايله دويون دويونلَنمز

• تک الدن سس چيخماز

• تک داشدان دووار اولماز

• تک قويوندان سورو اولماز

• تک گزن دانانی قورد يئير

• تکرار بيلگين آناسيدير

• تکليک آللاها ياراشار

• تکه ده قوچ هونری اولماز

• تنبل داغدا قار گؤردو ، يورغانينا بوروندو

• تنبل ديلنچی نين قارداشيدير

• توخ ايت آج بَی دن ياخشيدير

• توخ ايکن يئين، ديشی ايله اؤزونه قبير قازير

• تورپاغين قاراسی اوز آغاردار

• تورپاقنان اوينايان آج قالماز

• تولانين قويروغونو کسمکله کؤپک اولماز

• اولاجاغا چاره يوخدور

• اولاماغينی بيلمَيَن کؤپک ، سورويه قورد گتيرر

• اولان اولدو ، توربا دولدو

• اولان دؤرد باغلار، اولمايان درد باغلار

• اولاندا گؤز قيزارار ، اولماياندا اوز

• اولدوز چوخسا ، آی بيردير

• اولمايانين بير دردی وار ، اولانين اون بير

• اوّلی ميدان اولانين آخيری زندان اولار

• اون اؤلچ بير بيچ

• اون ايکی اماما يالوارينجا ، بير آللاها يالمار

• اويناشا اومود اولان اَرسيز قالار ، قونشويا اومود اولان شامسی

• اويناشدان اَر اولماز

• اويناماق بيلمز ، يئريم داردی دئير

• اهل کمال معرفت غصّه نی چوخ يئسين گرک ، قارقا وکيل اولان قوشون ، حقّی دی پوخ يئسين گرک

• ايت ياتار قارا آغاج کؤلگه سينده دئير بس اؤز کؤلگه سيدير

• ايت ياتار قايا کؤلگه سينده ، دئير بس اؤز کؤلگه سيدير

• ايت ييه سينی تانيمير ( مئتافور: شولوقلوق(

• ايت ييه سينی تانييار

• ايتی چؤرک تنديردن ، منّتی يوخ پنديردن

• ايتی ييه سينه تانيتديرير

• ايتيب، آختارانی يوخدور

• ايرمی گليری اولوب، ايرمی بيرخرجی اولانين وای حالينا

• ايرميسينده يئل چکن ، آلتميشيندا سيزلار

• ايستَدی قايشن دوزلده ووردو ، گؤزون چيخارتدی

• ايستی سئون توستوسونه دؤزر

• ايستَييرسن قوجاليقدا حرمتين اولسون ، جوانليقدا قوجالار حرمت ائيله

• ايشی باشلاماميش آخيرينی ) سونونو( دوشون

• ايگيد اؤلر آدی قالار، مخنّثين نه يی قالار؟

• ايگيد اؤلر اونو) شهرت( قالار ، اؤکوز اؤلر گونو قالار

• ايگيد اودور، آتدان دوشوب آتلانا ، ايگيد اودور، خر عذابا قاتلانا

• ايگيد اودورکی، آپارديغينی گتيرسين

• ايگيد اوغول جوان ائيلر آتانی

• ايگيد اوغول دوشمنه اَييلمز

• ايگيد ايلقاريندان دؤنمز، دوه اووساريندان

• ايگيد اَييلدی اؤلدو

• ايگيد باسديغين کسمز

• ايگيد جانلی ، کباب قانلی

• ايگيد قووغاسيز اولماز

• ايگيد لقبله تانينار

• ايگيد ليگين ده يئری وار

• ايگيد مئيداندا معلوم اولار

• ايگيد يارسيز اؤلمز

• ايگيد يوز ياشار، فرصت بير دوشر

• ايگيده هونرينه گؤره آد وئررلر

• ايگيدی ياخشی ساخلار، ياخشی آرواد ، ياخشی آت

• ايگيديم ايگيد اولسون ، کول ديبی ائويم اولسون

• ايگيدين الی ايشده گرک

• ايگيدين ايگيددن احتياطی آرتيقدير

• ايگيدين باشی قالدا گرک !

• ايگيدين خنجری قينيندا قالماز

• ايگيدين منزيلی بير اولار ، نامردين منزيلی اولماز

• ايل باهاريندان بيلينر

• ايل وار بير گونه دَير، گون وار بير ايله دَير

• ايل وار بير گونه دَيمز، گ.ن وتر بير ايله دَير

• ايلان آدامين توپوغونوگؤزلر، آدام ايلانين باشينی

• ايلان آغزيندان قورتاردی ، قورباغا آغزينا دوشدو

• ايلان آغزيندان قورتولوب ، اَژدها آغزينا دوشدو

• ايلان آياغی ، قاريشقا گؤزو، موللا چؤرَگی، کيم گؤروب؟ !

• ايلان اولدوز گؤرمَسه اؤلمز

• ايلان چيخديغی باجانی ياخشی تانييار

• ايلان دوزلمَيينجه يوواسينا گيرمز

• ايلان قابيغينی دَييشر، خاصيّتينی دَييشمز

• ايلان ووران آلا چاتيدان دا قورخار

• ايلان ووران ياتار ، آج ياتماز

• ايلان هر يئره ده اَيری گئدسه ، اؤز يوواسينا دوز گئدر

• ايلان يولو اَيری گئدر، يوواسينا دوز گودر

• ايلانا آغونو کَرتَنکله وئرر

• ايلانی اؤزگه الی ايله توتمازلار

• ايلانی سيد احمد الی ايله توتارلار

• ايلانی يارالی بوراخمازلار

• ايلانين آجيغی يارپيزدان گلر،هارا گئدسه اونونلا اوز اوزه چيخار( يارپيز= راسو، پورسوق)

• ايلانين آغينا دا لعنت ،قاراسينا دا

• ايلانين باشينی اؤزگه الی ايله اَز

• ايلانين بوغازينا گيرَن چيخماز

• ايلانين قوسزوغونو يوخ ، باشينی اَزرلر

• ايلده باشا گلمَين ، ديلده باشا گلر

• ايلقاريندان دؤنن نامرددير

• ايللر قوجالتماز انسانی غصّه قوجالدار

• ايلنميش اته ميلچک قونار

• ايلنميش سويو ايچمزلر

• ايلين آخير چرشنبه سی کيمينه دوشر، کيمينه يوخ

• ايلين ياخشی اولاجاغی باهاريندان بللی

• اَينينده دونو يوخ ، باشيندا پاپاق اختارير

• ايی بيلمَين تولا دريسينی کولا وئمز

• بار وئرن آغاجا داش آتارلار

• آجيقلی ديلَنچی نين تورباسی بوش قالار

• آخيردا گولن ياخشی گولر

• آخيرده گلن قاپينی اؤرتر

• آخيری فنا اولاجاق ايشی هئچ باشلاما

• آدامين آغزی آشا چاتاندا ، باشی داشا دَيَر

• آراليق اويونون آراليقدا اوينارلار

• آراليق سؤزو ائو ييخار

• آراليق مالی آرادا يئييلر

• آرواد کيشينين قولتوق ساعاتی دير

• آرواد مالی قاب دستمالی

• آروادا شريک اول، مالا شريک اولما

• آريق آتا قويروغو دا يوکدور

• آريق آتا يوک چاتمازلار

• آريق آتدا تَپر چوخ ، يئريمَيه هونر يوخ

• آريق اؤکوزه بيچاق اولماز( آريق اؤکوز کسيلمز(

• آز اولسون ، دوز اولسون

• آز يئه هميشه يئه

• آزانچی چکر سويوغو ، موللا يئير تويوغو

• آزاندا گئت شيطان ائوينه

• آستا آتين تَپيگی بَرک دَير

• آستا گئدن منزيل کسر

• آستا گئدن يورولماز، يورويَن يولدا قالار

• آشيق گؤردويون سؤيلر

• آغاج بار وئرديکجه ، باشين آشاغی تيکر

• آغاج توتان باش ياراندان چوخدور

• آغاج گتيرَنين اوّل اؤزون وورارلار

• آغاجين ايکی باشی وار

• آللاه قوناغينين اؤز قسمتنی وار

• آليجی نين گؤزو ساتيجی دا اولار

•آوازين ياخشی گلير ، اوخودوغون قرآن اولسا

• اؤ کوزو اولانا ، گؤن بورج وئرمزلر

• اؤرتولو بازار دوستلوغو پوزار

• ائرتَيه قالان ، بلادان قورخما ائرتَيه قالان ، آرخايا قالار

• اؤردک اتين قاز اتين ، يئيَن بيلر لإّتين

• اؤردک گليب قاز اولماز، گلين گليب قيز اولماز

• اؤردَگی باغلاماغا ايپک گرک ، يار ايله اويناماغااورَک گرک

• اؤردَگی سو ايله قورخوتمازلار

• ائرمنی دن شاهيد ايستَديلر ، اوزوم آياقلايان گتيردی

• اؤز آدينی اؤزگه لره قويما

• اؤز اؤزونه ائيلَيَنه چاره يوخدور

• اؤز ائولرينين تولکوسو ، اؤزگه ائوينين آسلانی دير

• اؤز ائويمين نؤکرييَم ، اؤزگه ائوينين آغاسی

• اؤز ائوينده اؤز باشينی باغلايا بيلمير ، اؤزگه ائوينده گلين باشی باغلايير

• اؤز چؤرَگينی اؤزگه سوفره سينده يئمه

• اؤز عاغلينی اؤزگه عاغلينا وئرمه

• اؤز قدرينی بيلمَيَنين قدرينی اؤزگه سی ده بيلمز

• اؤز قورو چؤرَييم ، اؤزگه نين پيلوووندان ) چيلوو( ياخشيدير

• اؤز کؤوشنينده اوتلايان مال آج قالماز

• اؤز گؤزونده بايقوشون بالاسی ، تاووس قوشوندان دا گؤزلدير

• اؤز گؤزونده تيری گؤرمور، اؤزگه گؤزونده قيل سئچير

• اؤز گؤزونده ديرَگی گؤرمور، اؤزگه گؤزونده چؤپو گؤرور

• اؤزو عدالتلی اولانين قاضييا احتياجی اولماز

• اؤزو قازانمايان مال قدرينی بيلمز

• اؤزو ييخيلان آغلاماز

• اؤزون باخما سؤزونه باخ

• اؤزوندن قوّتلی ايله آياق چکمه

• اؤزونده اولماياندا قونشويا گئدرسن ، قونشوندا اولماياندا هارا گئدرسن ؟

• اؤزونو ياستا بيلسن ، يولداشينی اؤلموش بيل

• اؤزونو باشقاسينا نرديوان ائيلَمه

• اؤزونه حرمت قويمايان ، اؤزگَيه ده حرمت قويماز

• اؤزونه قييماديغينی ، اؤزگيَه ده قييما

• ائششک نه بيلير زعفران نه دير؟

• اؤکوز اؤزونه يونجا اَکنده باشی آغرييار

• اؤکوز اؤلدو، اورتاق آيريلدی

• اؤکوز اؤلر گونو قالار، ايگيد اؤلر اونو( شهرت( قالار

• اؤکوز اؤلمَيينجه اينگه قيمت اولماز

• اؤکوز اولاجاق دانا پوخوندان بيلينر

• اؤکوزو اولانا بورج گون وئرلر

• اؤلموش آتا يوک چاتمازلار

• اؤلموش آسلانا دووشانلار دا هجوم ائيلر

• اؤلموش آسلاندان دير کؤپک ياخشيدير

• اؤلموش دوه نين دريسی بير ائششگه يوکدور

• اؤلَنين بورجونو باققال ديريلره يوکلر

• اؤلو آسلانين ساققالينی يولارلار

• اؤلوسو اولان بير گون آغلار ، دليسی اولان هر گون آغلار

• اؤلوم قاش ايله گؤز آراسيندادير

• اؤلوم وار آرلوم کيمی ، اؤلوم وار ظولوم( ظلم) کيمی

• اؤلونو بير دفعه يويارلار

• اؤلونون وصيّتی اؤزو ايله گئدر

• ائله ائيله کی ، بيرده بازارا شور ساتان گلسين ( دئييم)

• ائله ايش توت کی، ايچيندن قنبر قولو چيخماسين( دئييم)

• ائله باغين بئله ده مئيوه سی اولار

• ائله تيکه گؤتور کی ، اودا بيلَسن( دئييم(

• ائله دون گئيمک گرک کی ، ياماغی ائوده تاپيلا

• ائله سؤز دئه کی ، کالی تؤکولسون دَيميشی قالسين) دئييم(

• ائله سؤز دئيير کی ، پيشميش تويوغون گولمگی گلير) دئييم)

• ائله قازانين بئله ده آشی اولار( دئييم)

• اؤيرنمَيه عار اولماز

• اؤيودو آلمايانا وئرلر

• اائله چؤمچه نين بئله ده قازانی اولار( متافور دور)

• احتياج انسانس هر ايشه قويار

• ارز ايشينی اؤزون گؤر

• ارکوزو اولانا يول گؤسترن چوخ اولار

• اغاج بهشتدن چيخيب

آتا بابالار سوزلری

• قويون اؤز يئرينده کؤکَلر

• قيز آلان گؤز ايله باخماسين فقط قولاق ايله ائشيتسين

• قيز آنادان قورخماسا ، اؤيود آلماز

• قيز آنادان گؤرمَيينجه اؤيود آلماز

• قيز آناسی ائلچی گؤزلر

• قيز ائوی ناز ائوی

• قيز ائوين قوناغيدير ، واخت گلر، گئدر

• قيزلار بير گونشدير، اوغلانلارسا آيارچاسی

• قيزی اؤز خوشونا قويسان ، يا مطربه گئدر ، يا زورناچييا

• قيزی سالدين بئشيگه ، جهازينی چک ائشيگه

• قيزيشيماديق ايستی سينه ، کور اولدوق توستوسونه

• قيزيل اينک قارا قاباق گلينه سود وئرمز

• قيزيم سنه دئييرم ، گلينيم سن ائشيت

• قيزيم يانيمدا، عاغليم باشيمدا

• قيزين قسمتی آتانين دولتی

• قيش چيخدی درد چيخدی ،کئچيلر يازا چيخدی

• قيشدا کورکلو ايله گزمه ، يايدا مولکلو ايله

• قيشدا يورغانسيز ، يايدا آيرانسيزاولما

• قيلينج ياراسی ساغالار ، ديل ياراسی ساغالماز

• قيمتدن دوشمک ايستميرسنسه ، هئچ کسين قيمتدن دوشمَسينه چاليشما

• کؤپک ائله کؤپکدير، خالتاسی قيزيلدان اولسادا

• کؤپک تايا ديبينده ياتار ، ائله بيلر اؤز کؤلگه سيدير

• کؤپک صاحيبينی تانييار

• کؤپک قوجالاندا ، قوردا گولونج اولار

• کؤپکسير سورويه قورد دادانار

• کؤپگين اييه دوشنی تولادان برک قاچار

• کؤپگين قارنی توخ اولسا، گئجه اولدوزا هورر

• کؤپه سودسوز بؤيومز، پامبيق سوسوز

• کئچل باخار گوزگويه آدين قويار اؤزگَيه

• کئچل چاره بيلسه ، اؤز باشينا ائيلر

• کئچل حالوا يئير ، پولونا منّت

• کئچل سويا گئتمز

• کئچن گوزشت

• کئچن واختا ال يئتيشمز

• کئچی جان هاييندا ، قصّاب پيی آختارير

• کئچی نين باشی گيجيشنده بوينوزون چوبانين چوماغينا سورتر

• کئچی نين قوتورو سرچشمه دن سو ايچر

• کؤمگی ايگيده سؤزله ، ضعيفه ال ايله ائت

• کؤهلن آت يئرينده توز قوپار

• کار اؤزونه قازانانی ائشيدر

• کار ائشيتمز ، ياراشديرار، کور ائشيتمز ، قوراشديرار

• کار ايکی دفعه گولر

• کار کؤنلونده ينی آنلار

• کارئشيتديگينی ، کور توتدوغونو بوراخماز

• کاساد بازارين گليری اولماز

• کاسيب گئيَنده سوروشارلار: هارداندير؟ وارلی گئييننده دئيرلر: مبارکدير!

• کاسيبی ساجی آخيردا قيزارار

• کاسيبين بير اوغلو اولدو ، او دا بوينو اَيری

• کباب قانلی ايگيد جانلی

• کبابی کؤز اؤلدورر، ايگيدی سؤز

• کبينيم حلال ، جانيم آزاد

• کرايه اوتوردوغو بس دئييل ، تويوق جوجه ده ساخلايير

• کره يئين ده چيخار يازا ، تره يئين ده

• کس بارماغينی چيخ بازارا ، علاج تاپان چوخ اولار

• کسيک باش بيتمز ، بيتسه ده ييه سينه خير وئرمز

• کسيلن باشين زولفو اوچون آغلامازلار

• کفگير قازانين ديبينی ائشيب

• کفن اوجوز( مفته ) اولاندا آدام اؤزونو اؤلدورمز

• کفن موفته اولاندا آدام اؤزونو اؤلدورمز

• کفن موفته دير، ييخيل اؤل

• کفن هاوايی اولاندا آدام اؤزونو اؤلدورمز

• کفنی وار ايدی ، گورو دا اولسون ؟ !

• کَلک ايله گلن کولک ايله گئدر

• کَله کله لر نئيلَدی کی، کرتَنکله لر نئيلَسين

• کناردان باخان ياخشی گؤرر

• کناردان باخانا گولش آسان گلر

• کنده موللا گليب ،کيم اؤلور ، اؤلسون

• کوتان نه بيلير اؤکوز نه چکير؟

• کور اوغلونو توتماغا بير کئچل حمزه گرک

• کور ايت کؤلگه سيندن قورخار

• کور ايتيرديگی يئرده تاپار

• کور توتدوغون بوراخماز

• کور کورو تاپار ، سو چوخورو

• کور نه ايستر؟ ايکی گؤز ، بير اَيری ، بيری دوز

• کورا گئجه گوندوز بيردير

• کورَن آداملا ، کگورَن آتا ياخين دوشمه

• کورَه يه دوشمَين دمير يومشالماز

• کوسا گئتدی ساققال گتيرمگه بيغی دا قويدو گلدی

• کوسَنه پای دوشمز

• کوسَنين پايين يئيرلر

• کولک هر دم بير يانا اسر

• کولکده ياتانين جين آتی اولار

• کولکلی گونده خيرمان سووورمازلار

• کولون آلتيندا کؤز اولار

• کيتاب وئرَنين بير الينی کسرلر ، قايتارانين ايکی الينی

• قارنی توخون قايغيسی اولماز

• قاری ( داری) قاباغينا تؤکمکله دوه پامبيقدان چيخماز

• قاری نين ساچی آغ اولار ، اورَيی قارا

• قاريشقانين ائوينده قطره ، طوفاندير

• قارين توخ اولاندا چوخ شئی يادا دوشر

• قارين دويوران آشی گؤز تانييار

• قارين دويورانی گؤز تانييار

• قارييا قيز ائوی ياراشماز

• قازان اولسون ، دولو اولسون ، يئيَن تاپيلار

• قازان ديبی يالايانين آداخليسی گؤيچک اولار

• قازان قاپاقسيز اولماز ، ايگيد پاپاقسثيز

• قازان قاراسی گئدر ، اوز قاراسی يوخ

• قازانان قازانديغينی يئسه ، خانلار ، بَيلر آجيندان اؤلر

• قازاناينا گؤره قاينات آشينی

• قازانجيم آتا آنامين ، اؤيرنديگيم اؤزومون

• قازانمايينجا قازان قايناماز

• قاشقاسی بؤيوک اولانين سؤزو جوخ دانيشيلار

• قالخان ييخيلانا باخماز

• قان ثبوت سوز قايناماز

• قانماز آرواد اولماقدانسا ، چرچييَه اولاق اولماق ياخشيدير

• قايا اوچماسا دره دَپه دولماز

• قايا اوچماسا دره دولماز

• قاينانا بير چيچک ، هر سؤزو گئرچک

• قلم توتان ال دامنده قالماز

• قلم سؤزدن کسگين دير

• قلم سلطاندير ، اهلی قلمه روتبه وئيرير

• قلم قيلينجدان ايتی دير

• قلم يازانی قيلينج پوزا بيلمز

• قناعت خزينه دير

• قوتور قويندان بير چگه يون ده غنيمتدير

• قوجا تولکو حيله باز اولار

• قوجا چاققال اولاماز

• قوجاليق گلدی گئتمزدير ، جوانليق گئتدی گلمزدير

• قوجاليق هونر اولسايدی ، شيطان پيغمبر اولاردی

• قوجايا حرمت ائله ، سن ده قوجالارسان

• قوچ اوغلان داييا چکر قيز ؛ خالايا

• قوچ قوزو قوربانليق اوچوندور

• قوچا بوينوزو آغيرليق ائيلَمز

• قوچا قويروق يوک اولماز

• قودورموش کؤپگين عمرو قيرخ گون اولار

• قوربانسيز بايرام اولماز

• قوربانی بيز ائيلديک ) وئرديک( ياغيش ياغدی قاراداغا

• قورخا قورخا جنّته گئدينجه ، گوله گوله جهنّمه گئت

• قورخاق گونده يوز يول اؤلر، ايگيد عمرونده بير يول

• قورخان گؤزه چؤپ دوشر

• قورخو اولمايان يئرده نظام انتظام اولماز

• قورد آج گؤز اولار

• قورد بالاسی قورد اولار ائششک بالاسی قودوق

• قورد دومانی سئور

• قورد قوجالاندا توپلانا مسخره اولار

• قورد کئچييه دَيمسه، کئچی مکّيه گئدر

• قورد يوواسيندن سوموک اسگيک اولماز

• قوردان قورخان قويون ساخلاماز

• قوردو دومانلی گون آختارار

• قوردول پاخلانين کور دا آليجيسی اولار

• قوردون آغينادا لعنت بوزونا دا

• قورونان گؤزه تئز چؤپ دوشر

• قورونون اودونا ياش دا يانار

• قوزو چوبان اوچون دئييل ، چوبان قوزو اوچوندور

• قوزوسونا قييمايان ، کباب يئيه بيلمز

• قوزونو تقصيری قوردون اجماسيدير

• قوشا قيزيل قفس زنداندير

• قوشدان قورخان داری اَکمز

• قوشون ائرکک ديشيسينس اووچو تانييار

• قوناغا " چؤرک يئييرسن؟ " دئمزلر

• قوناغا " گئت" دئمزلر ، پالازی آلتيندان چکرلر

• قوناغا گؤره سفره آچارلار

• قوناغی قونشويا تانيدارسان ، هر ايکيسندن محروم اولارسان

• قوناغين آغزينا باخارلار ، آتينا يئم وئررلر

• قوناغين کؤنلوندن کئچن ، ائو ييه سينين کؤنلوندن کئچمز

• قوناق حياسيز اولسا ، ائو ييه سينی ائودن قووار

• قوناق دئديگين صاباح گلسين آخشام گئتسين

• قوناق سيز ائو اوغورسوز اولار

• قوناق قوناغی ايستمز، ائو ييه سی هئچ بيرينی

• قوناق قوناغی سئومز، ائو صاحيبی خئچ بيرينی

• قوناق کؤچری قوشدور

• قوناقسيز ائو سوسوز دَييرمان

• قونشو آشی)پايی( دادلی اولار

• قونشو قونشونون گولونه محتاجدير

• قونشون پيسدير کؤچ قورتار، ديشين آغرييرچک قورتار، آروادين پيسدير بوشا قورتار.

• قونشونون باشی شيشدی ، قايغيسی بيزه دوشدو

• قونناق ائوه گيرينجه اوتانار، ائو ييه سی سونرا

• قوّه هر شئيی سينديرار ، عاغيل قوّه نی

• قويو قازان اوّل اؤزو دوشر

• قويودا ياتير ، اؤۀإزونو مناره ده گؤرور

• سويووق دميری تاپداماقلا دوزلمز

• سيچان سيديگينين) سودويونون( ده دريايا خيری وار

• سيچاننی اؤلدورمک پيشيگه اويوندورسرّ ساخلاماق مردليکدير

• سيرکه توند اولاندا اؤز قابينی پارتلادار

• سيرکه نين اؤز قابينا ضرری وار

• سيزين ائوده يئيک ، بيزيم ائوده اويناياق

• سيلاح صاحيبينه ده دوشمندير

• سينان قول ساغالار، سينان قلب ساغالماز

• سينيق قابدا سو قالماز

• شاذعير گؤردويون يازار

• شافتالی گلمَميش ، تاباغی گلدی

• شام ) شمع ( اؤز ديبينه ايشيق وئرمز

• شام ) شمع ( باشيندان يانار

• شام ) شمع ( يانماسا ، پروانه باشينا دولانماز

• شاه وزير عالی ايله اوتوروب دورار

• شاهلا پيلوو يئميرم کی ، بيغيم ياغا باتار

• شاهين دا دوه لری آياق يالين گزر

• شاهين(توغان( ايله دوه اوولانماز

• شايعه هر يانی گزر

• شر دئمَسن ، خير گلمز

• شرطی شوخومدا کس خرمنده شنه دعواسی چيخماسين

• شرطی شوردا کس ، خيرماندا يابالاشماياسان

• شريک ياخشی اولسايدی ، آللاه اؤزونه ياراداردی

• شريکلی قازان گئجه قاينار

• شفا حقدندير ، حکيم سبب دير

• شکايت عاجيزليک علامتی دير

• شيرين ديل آداما دوست قازانديرار

• شيرين سؤز بالدان شيريندير

• شيطان اولماسا ، قورد قويونلا گزر

• شيطانين آجيغی ياخشی آدامدان گلرشيطانلا اورتاق اولان بوغدا اَکر سامان بيچر

• شيطانين دوستلوغو ، دار گونلره قَدَردير

• صاحيب سيز قويونو قورد يئير

• صاحيب سيز مال يئتيمدير

• صاحيبيندن قاباق بوستانا گيرمه

• صبر آجيدير ، مئيوه سی شيرين

• صبر آغاجی هر باغدا گؤيرمز

• صبر ائدن مورادينا يئتشر

• صحبت ايله قارييان ، غمدن غصبه دن آزاد اولار

• صداقت قهرمانين زينتی دير

• صنعت قولدا قيزيل بيلرزيکدير

• صنعت( هنر) انسانين خزينه سيدير

• ضررين ياريسيندان قاييتماق قازانجدير

• ضرورت انسانا هر شئی اؤيردر

• طاماحکارليق باشا بلادير

• طاماحکاری يالانچی آلدادار

• طاماحکارين گؤزونو تورپاق دولدورار

• طماحکار اؤز نفسينين قولودور

• ظاليمين ظلمو ياديندا قالمتز

• ظاليمين عمری آز اولار

• ظاهری گؤزلليک قالارقی دئييل

• ظلم ايله آباد اولان عدل ايله ويران اولار

• ظلم ايله برباد اولان عدل ايله آبدا اولار

• ظلم يئرده قالماز

• ظلمون آخيری اولماز

• عمرون برکتی ياخشی عمل ايله دير

• قاب سيرکَيه گؤره دير

• قاباغينا تولکو چيخانين ايشی آواند اولار( اينام دير)

• قاتراندان اولماز شکر ، بير داماری جينسينه چکر

• قاتير شيللاق آتار ، چونکی آتاسی ائششکدير

• قاچ ثوابدان ، گيرمه گوناها

• قار سوسوزلوغو سوندورمز ، قووورقا قاارين دويورماز

• قار سويوندان قايماق اولماز

• قار نه قدر چوخ ياغسا ، يئنه يازا قاتلماز

• قارا باخانين گؤزو قاماشار

• قارا خبر تئز دويولور

• قارا خبر تئز ياييلير

• قارا دولاغا قيرميزی پاپيش تيکمزلر

• قارا ساچلينين آهی يئرده قالماز

• قارا قوشا خير اؤز ديمديگيندن چاتار

• قارا قيزين بختی اولسايدی ، آنادان آغ دوغولاردی

• قارا گونون عؤمرو آز اولار

• قاراق قازی تقليد ائتدی ، قاريلتيسينی دا ايتيردی

• قارانليقدا حالوا يئيَنين سرّينی آللاه بيلر

• قارپيز دويولماق اوچون دئييل ، سرينليک اوچوندور

• قارپيز کسمکله اورَک بؤيومز

• قارت کؤپک يئدَيه گلمز

• قارتال ميلچک توتماز

• قارتالی اوچوشوندان تانيماق اولار

• قارداش قارداشی پيچاقلار ، سونرا دؤنوب قوجاقلار

• قارداش قارداشين پيس گونونو ايسته ده ، اؤلومونو ايستمَز

• قارداشا باخارلار ، باجيسين آلارلار

• قارغا دؤشونو چکمکله قاز اولماز

• قارغا نين سسی چيخاندا قار گلر

• قارغادان گؤزل قوش ايستَديلر ، بالاسينی گؤستردی

• قارقا ايله دوست اولانين ديمديگی چوخدان چکيلمز

• قارقا وکيلی اولان قوشون ديمديگيس

• سؤز قوشدور، بوراخارسان اوچار گئدر

• سؤز قيلينجدان کسگيندير

• سؤز گوموش اولسا ، سکوت قيزيلدير

• سؤز وار آدامی مست ائيلر، سؤز وار مستی آييلدار

• سؤز وار خسته نی ساغالدار، سؤز وار آدامی يارلار

• سؤز يئرينده دئيسن گرک

• سؤزو آت ، ييه سی گ

• سؤزو آت يئره ، گئدر يئرينی تاپار

• سؤزو آت يئره سؤز صاحيبی گؤتورر

• سؤزو آغزيندا بيشير، سونرادئه

• سؤزو مقاميتدا دئه

• سؤزون آجيسی زهردن ده بَتردير

• سؤزون ايله ايشين بير اولسون

• سؤزون دوزو داشدان کئچر

• سؤزون دوزونو اوشاقدان خبر آل

• سؤزون قيسساسی دَيرلی اولار

• سؤزون ياخشيسی بالدان شيرين اولار

• سؤزونو بيلمَين اغيز باشا توخماق ووردورار

• سئودانی سئودا ايله يويارلار

• سئوگی آدامی يانديرار

• سئوگی اود دئييل ، آمما اوددان ياماندير

• سئونی سئويلن اينجيدير

• سؤيلَينَه باخما ، سؤيلَنيلنه باخ

• سؤيوددن صندل ايی گلمز

• ساچ اورکدن سو ايچر

• ساچ صفادان اوزانار ، ديرناق جفادان

• ساخلا سامانی، گلر زمانی

• ساخلا گؤنو ، گلر گونو

• ساز اولان يئرده سؤزو سازا وئررلر

• ساغ الين اولسا سول اله احتياجی وار

• ساغ الين رنجی اولسا سول اله حرامدير

• ساغساغان ککليگه باخار، اؤز يئريشين دَييشر

• ساغلام روح ساغلام بدندن اولار

• ساغلامليغين قدرينی خسته لر بيلر

• ساغليق ان بؤيوک وارليقدير

• ساغليق سلطانليقدير

• ساققال آداما قاضی ليق وئرمز

• ساققالدا فيض اولسايدی، کيچييه کرام الّدين آغا دئيرديلر

• ساققيز چئينمکله قارين دويماز

• ساکيت باشين آغريسی اولماز

• ساييلان گون تئز کئچر

• سپيلمَين بوغدا گؤيرمز

• سحرين شرّی آخشامين خيريندن ياخشيدير

• سرت اول ، مرد اول

• سرخوش بيری ايکی گؤرر

• سرخوش سرخوشو ميخانادا گؤرر

• سرخوشون مکتوبو ميخانادا اوخونار

• سس وئر ، سرّ وئرمه

• سفارش ايله حجّ قبول اولماز

• سفالت چاليشقان آدامين قاپيسيندان ياخار

• سفره دن الينی ساخلا مجليسدن ديلينی

• سکگيز گون عمره دوققوز گون چاليشماق لاريمدير

• سکگيز ميخا دوققوز آت باغلامازلار

• سن دوغرو اول اشيری بلاسينی تاپار

• سن موللايا گئدنده ، من موللادان گليرديم

• سن يئريندن ترپَنينجه داغ داش ديله گلر ) کنايه (

• سنه هر کيم داش آتسا ، سن اونا چؤرک آت

• سنين کين يئيَک منيم کين اويناداق

• سو آخديغی يئره تؤکولر

• سو اولان يئرده آبادليق اولار

• سو ايله آد ايله شوخلوق اولماز

• سو بولانمايينجا ،دورولماز

• سو سويا قاريشاندا گوجلو اولار

• سو گؤتورمکله دريادان سو اکسيک اولماز

• سو گؤزوندن بولانار

• سو گؤزه دن بولانار

• سوباشدان بولانار

• سوبايليق سلطانليقدير

• سود وئرن اينگی کسمزلر

• سودا باتان ايلانادا ساريلار

• سودا بوغولان سامان چؤپوندن ياپيشار

• سودان آيريلان باليغين اوددان قورخوسو اولماز

• سودان خير اولسا ، قورباغا اؤدَهايا دؤنر

• سودده آغزی يانان ، قاتيغی پوفلَيه پوفلَيه ايجر

• سودلو قويون سورودن آيريلماز

• سودون دادينی قيسير اَمَن دانا بيلر

• سورو چوبانسيز اولماز

• سورودن آيريلان قويونو قورد يئير

• سورويه قورد گلنده کؤپگی يوخو توتار

• سوساميش ايت کهريزه باخار

• سوسوز آغاج مئيوه وئرمز

• سوغان اجی اولسادا ، سفره ده اؤز يئری وار

• سوفی سوغان يئمز ، تاچسا قابيغينی دا قويماز

• سويوق دمير دؤيولمز

• سويوق دميری تاپدامازلار

• سويون اوّلی بولانتی گلر

• دعانی بيز ائلميشيک ياغيش گؤر هارا ياغير؟

• دعوا اوچون بير قاضی ، اثبات اوچون بير شاهيد( ترجمه کيميدير)

• دعوا داغارجيق اوسته دير

• دعوا گونونده ايگيد گرک دالدالانماسين

• دعواچی قاضی ايسه ، عرضه نی آللاها ياز

• دعوادا آراداکينين گؤزو چيخار

• دعوادا آغاج آرداداکينا دَير

• دعوادا حالوا پايلامازلار

• دعوادا قيلينج بورج وئريلمز

• دعوالی يئرده اوت بيتمز

• دعوانی قيلينج آرالار

• دعوانی قيلينج کَسر ، سئودانی پول

• دم دم گتيرر ، غم غم

• دم دمی گتيرر، غم ده غمی

• دَنی ائللردن سويو گؤللردن

• دَنی مندن يئير، باشقا يئرده يومورتار

• دَنی يانيندا ، سويو يانيندا

• دوتلييه ساخسی لازيم اولاندا ، کاسيب کوزه سينی سينديرار

• دوروب گئتديک قيشلاغا ، اومود قالدی يايلاغا

• دوز چؤرک قدرينی بيلمَين ايتدن ده آلچاقدير

• دوز چؤرک ايتمز

• دوز چؤرگين قدرينی بيلمک گرک

• دوز يئرينه بوز يالاما

• دوز يئييب دوز قابينی سينديرما

• دوزدان لذيذ ، سودان عزيز ، بير شئی يوخدور

• دوزون دوز اولسون

• دوعانی بيز ائيلديک ، ياغيش ياغدی قارا اداغا

• دولت آداما آياغی ايله گلمز

• دولت باشا بلادير

• دولتلی دن خير اولماز ، گوردان مازارات ( آنلاشيلمادی)

• دولتلی کاسيب اولسا قيرخ ايل ايی گئتمز

• دولتلی ليگه تَلَسن ، کاسيبليغا تئز دوشر

• دولتلی يانين قاشيياندا ، کاسيب ائله بيلر اونا پول وئرير

• دولتلينين ديلی اوزون اولار، الی قيسسا

• دولتلييه بلی ، يئخسئلا دلی دئيرلر

• دولتلييه ساخسی لازيم اولاندا ، کاسيب کاساسينی سينديرار

• دولته اعتبار يوخدور

• دولته بئل باغلاما

• دولتيلی نين ايتی ياتماز ، کاسيبين س...... ياتماز

• دولتين ان ياخشيسی عاغيلدير

• دولتين ده دوشر دوشمزی اولار

• دووشان داغدان کوسموش ، داغين خبری يوخ

• دووشان کيچيک قولاغی بؤيوک

• دووشانين گومانی قولاغينا گلر

• دَهنه نی درين قاز، سويو گور گلسين

• ديرناغی ماياسيندان کسمزلر

• ديرناغين وارسا ، باشينی قاشی

• ذرّه جه عشقی اولان دونياجا تابی گرک

• ذرّه قَدر ايمان ، دونيا قَدَر گوناه

• راحات اوتورانا نه ولی گلر ، نه حاکيم

• رشوت جهنّمين آچاريدير

• رشوت قاپيدان گيررسه ، ايمان باجادان چيخار

• رشون آچار دامو قاپيسين

• روزوسو گلن زامان کؤپگين يوخوسو توتار

• زامان بير چايدير آخار ، دورماز

• زحمت تورپاقدا ، نعمت سفره ده

• زحمت چکمَين راحاتليغين قدرينی بيلمز

• زحمت چکن بال يئير

• زحمتسيز ايش اولماز

• زر اولاناين زورو دا اولار

• زر ايله اولان ، زور ايله اولماز

• زرگر دوکانينين توزدا قيزيل اولار

• زرله گؤزلليک آلماق اولماز

• زمان ايله حسابلاشماق گرک

• زمان زمانا اويماز

• زمان کئچر سؤز قالار

• زمانا اويوشماق گرک

• زمانی قايتارماق اولماز

• زمستان چکمه ين بولبول باهارين قدرينی بيلمز

• زندان ( سندان) اولوب آلتدا قاماقدانسا ، چکيج اول ، اوستده اول

• زندانا صبر ائيليَن ، آخيردا تاختا چيخار

• زور اويونو پوزور

• زور ايله کؤپک سورويه گئتمز

• زور ايله گؤزلليک اولماز

• زور قويونو پوزور

• زور گلسه فند باجادان قاچار

• زورا داغلار دايانماز

• زورلا سورويه گئدن کؤپک فايدا وئرمز

• زورناچی اوغلو زورناچی اولار

• زورنانين سسی اوزاقدان خوش گلر

• زيان آغودان آجيدير

• زيرک قوش ديمديگيندن تليَه دوشر

• زيرکليک جؤمردليک گتيرر

• سئرچه دن قورخان داری اکمز

• سؤز چوخ اولان يئرده يالان دا چوخ اولار

• سؤز صانديغا گيرمز